FURSAT KE LAMHE

Fursat ke lamho mein kayi khayal dil ko gher lete hai,

kabhi sochu ki khol du uss ke samne apne dil ka raaz,
phir sochu ki kya vo har raah par nibha payega mera saath,

kabhi sochu ki duniya ka har kona dekh lu,
phir sochu ki kya mehanga nahi padhega muje ye ehsaas,

kabhi sochu ki khoob paise kamau,
phir sochu ki kya paise muje vo sukoon denge jo apne alfaz padh kar mein pau,

khayalo ne toh apna dhera daal diya hai,
aur har khayal mein koi na koi jazbaat pesh kar diya hai,

bas mein ye nahi samaj pa rahi, 
ki galti hai inn jazbato ki  jo mere dil mein machal rahe hai,
ya fursaat ke inn lamho ki jo muje sochne pe majbur kar rahe hai..